Xem û pejara milletî

Ma ji pejara evîndaryê , ma tishtek xwesh tir heye

Lew xasme ya milletî bît , yê ne dît bît tûle ye !!!

Vê xem û pejarê kushtim , hêshta hindek lewçene

Ger ne gehme yara nazdar , ma xewn jî gunhene ?

Pêlin xewnekê bi bînim , li mi nekene jehre mar

Destê xwe dê havêm rojê , belkî dê wê înme xar !!

Nehez û bê eql û mesta , dest li min bestin çep û rast

Dê bi pîya bezme miradê , pê li min gestin çep û rast

Dê ezmanê mi çilê ken ? sûrekê xwesh ser birre

Dê bang det bû serxwebûnê , ala rengîn hel bi firre

Ger maf û yeksan û rastî , li vê cîhanê ew hebin

Ma çima bû kurda nînin , bo çî xem bahra me bin ?

Bo çî em her ho di nalîn , nê pîçek sûça meye

Xwe frosh û kes peristîn , ma çi bêjim nê weye

Bi erzanî xwe ne froshe , ey xudanê qelemî !!

Rastî evro bête gotin , dê rizgar bîn em hemî

Milletê ax zêr û befrîn , parçe kirye dujmina

Amede bûka cîhanê , Mehabad a dest bi xena

Kerkuk hêshta di nalîtin , penaber li jêr xîveta

Ax lê zêr û zik lê birsî , ka xudanê hîmmeta ??

Rojek dê hêtin ji Kubanê , bê sinor bi çime Çemî...1

Pashî ser evraz bû Wanê , bû seredan bi çîn hemî ....2

Ji wêrê bi çim bû Mehabad , bi cih bînim hecca berê ....3

Pashî li Seywan min bin ax ken , beram berî Esmerê.

Shêrzad Zeynelabidîn

12/06/2009

1:-Çemî =gundê min ,Çemê seyda.

2:-Devera Wanê cîhê bab û kalên dapîra min (ji alîyê daykê )

3:-Li sala 1974 ê ez çûm Mehabad mirada min ew bû wêneyekî li gorepana Çar-çira bi kishînim lê savakên Shahê gor begor li min qedexe kir.