Kurda rabe

Kurda rabe nê êvar e, roja me çû pist çiya
Ne me male û ne me ware, wem ketîn dest rûvîya

Carekê guh bide "Xanî", bibne êk dest hûn hemî
Da avakeyn pêgve xanî, bûy ji dîrokêy bê xemî ?

"Gerdî hebwa" hûn bicîh bînin, dêrevînin tev xema
Çima kur in vê nabînin? Keyf û shadî me nema

Çil milyon ev ro dinalin, ji destên pîsên çepel
Ligel êk du dirk û dalin, an bizotin çeq û pel

Wey hewar e bo van kurda, dilê min pêt û birîn
Kî derman ket kul û derda, bê nujdar ha dê mirîn

Bê nujdarîn lewma evro, mitayê me bê biha
Hem bê dask û merr û tevro, ji rêçalî dev zuha

Her kesê nê berê li xoye, kes nabêjît ha bira
Lewma her me rev û roye, wem di kevîn bin çadira.!!

Shêrzad Zeynelabidîn
29/08/2008