Bi serk dahat kela zulmê
Peyker hemî di herftîne
Temashaken evê bezmê
Ku em tevda di keyfîne
Shahî yo keîf û seyranin
Bê tirs di nivin êvarîya
Bulbul sheydayê gulanin
Pir bi coshin li mêrg u bîya
Evro shikest difna zordarî
Nifrîn li wan seddamîya
Ku shîrê makerê xarî
Bin gor biken Efleqîya
Hemî rojêt me tazî bun
Mirin hatbo derê xanî
Herdem axînk û gazî bun
Hewar çobone asmanî
Jehir di barî li buhara me
Gul di çirmisîn siharîya
Tev resh bibo jîyara me
Bibo tazî li van tevrîya
Millet kir bo gola xwînê
Maf û wîjdan jî li bin pîya
Kî dê saxket vê birînê
Veket tola tev gundîya
Veket tola shar û shaxa
An kanîkên berze kirîn
An jî tola dar û daxa
An zarokên Enfal kirîn
An jî tola van mishextên
Li xir cîhanê belav kirîn
An jî tola wan kotirên
Li ser hêlînê serjê kirîn
Belê çi bikem jîyar hoye
Bibim gorî vî welatî
Dilê min shikest û pîr boye
Bihara min direng hatî.
Shêrzad Berwarî
Frensa
09/04/2003
ji
dîwana (Welatê Tirs û Tehlîya)
