Gelê mino

Li rûbarê êsh û azara

Hizar cara der baz dibî

Ma çend cara

Ligemya nehez û neyara

Sîyar dibî ?

Ev car bese

Biryara te tivêt tu bî

Heta kengî

Dê her nivî ??

Xewek sivik mîna mirnê

Heta kengî tu na rabî

Na liv livî ??

Heta kengî tu naskênî

Evê ristê

Evê xewnê

Boy hêshta bi werîsê xelkê

Bi werîsê xav û kulkê *

Diçî kevrî ?

Te pê di bene esmanî

Hem 'ewrî

Lê zû di kevî

Car li ser pishtê û

Car liser devî

Werin ev car da bi vehînîn

Werîsekê kurdînîyê

Yê biratî û êketîyê

Yê bawerî û hem rastîyê

Take rêke ku em bigehînê hûvîyê

Dem hatîye

Rista zordarî bipiçînin

Dem hatîye

Mêrg û nizara bi xemlînîn

Dem hatîye

Li gel agirê pîre Newroza vê salê

Li Amed û Babe Gurgur

Ala Kurd û Kurdistanê

Em hildeyn û

Bi çiklînîn.

Shêrzad Zeynelabidin
* kulkê : hiryeka neya bash bûye gotinên mezina :
werîsê kulkê = neyê mûkûm.