Bilindken ala Kurdîn Newroze
Cejna gelê me gelek pîroze
Roja nemana Dehhakê xwîn mêj
Hat li gel biharê xemil bone hêj
Her çend ku Newroz vegerhît salan
Agirî helken bi xemlînin malan
Rojên sitemê êdî nebînin
Dara azadyê herdem bi çînin
Meshxel bilind bû li Kerkuka basûr
Mizgîn bi gehte Ameda bakûr
Ronahî bidete Kuban û `Efrîn
Bixemlît Sîpan û Wana dêrîn
Germek bigehte momên çar çira
Da pêgve helbin bi revînin gura
Serdest û Bane dê bin mirarî (1)
Ew dê rizgar bin ji destê mirarî (2)
Wata Newrozê her serferazî
Her rizgarbûne ji destê berazî
Ger çî dirêj bû sheva me kurda
Hero di bînîn sed heyf û derda
Eger dîyare û hemî dizanin
Çend bê tifaqin hem bê xudanin
Xudan me nebît me pakî nîne
Fermûda xanî tû bash bixwîne
Ger em êk bigrîn dê hêtin bihar
Dê zêtin kanî bishkivît çinar.
Sherzad
15/03/2005
(1): mirarî =mirwarî,morîkên bi nirx.
(2):mirarî = tistê pîs,bêhna pîs lê bihêt.
