Berî spêdê

Ger te bivêt

Berî spêdê              

Min bibînî !!                           

Pirçê xo tu berelake û

Stiraneka bê bêdeng bêje !!

Dê min bînî ...

Li gel shine bayê siharê

Dê min bînî ...

Li gel hejîna belgên darê

Dê min bînî ...

Li gel permîçkên

Nerme befrê

Li heyva shiwat û adarê

Dê min bînî li gel xewnên

Kew û shalîla !!

Li gel hejîna babelîskên

Vê zinarê

Berî spêdê

Ger te bivêt min bibînî

Li jêhelîyê sheva tarî

Vêt f serkevî

Ger te bivêt berî spêdê

Guh bideye kevrê bê deng !!

Sîmfonîyek nû dê bînî

Berî spêdê

Ger te bivêt

Li bin tevrîyê

Paldey rûnî

Hôzaneka

Bê  peîv û kêsh û ne serwa  !!

Wekî tevnî

Dê raçînî

Spêdeka zû

Pêsh (sew gurgê)

Li (Berberayê) *

Ez razabum

Min guh dida

Sare stirana vî kevrî !!!

Shalîl ji nûka ji xew radibun

Heyv berze di bo li pisht ewrî

Berî spêdê

Her tishtek nê rûs û sare !!

Berî spêdê

Xunav di barît û

Stêr hemî di bin aware

Hemî sheva berî spêdê

Dergeh li taqe û

Li hûvîya teme

çavên min wek kulyên birsî !!

Hemî stêra pê di çerînim

Lê nehatî û

An nizanî ku ez heme

An qirqiçîna min li shevê

Bo te ne pishtî û ne xeme

Berî spêdê

Bê dengîye

Davên taryê

Wek nermatya

Armîshîye  !!

Wek pirça te

Li gel dengê bayî

Bo min dawet û gazîye

Berî spêdê

Di bêjin dê hêyî

Ji stêreka dûr...

Li çolê dilê min dê dadey

Evî xirtey

Dê key behesht

Dê keye zûr.

Shêrzad Berwarî

05/08/2004 Frensa